Pages

Thursday, December 25, 2014

kIsS oF lOvE

അളിയാ ഇന്നൊരു സമരം ഉണ്ട്..... കൂടുന്നോ ? കോളേജ് കാലത്തെ ഒരു സ്ഥിരം ചോദ്യം ആയിരുന്നു ഇത് . അസ്ഥിക്ക് വിപ്ലവം പിടിച്ച കുറേ കുട്ടി സഖാക്കളും , ഖദർ-ഉണ്ണികളും , എ.ബി.വീ.പീ-ക്കാരും ഒക്കേ ഉണ്ടായിരുന്നു എങ്കിലും സമരം നടത്താൻ ആൾബലം പൊതുവെ കുറവായിരുന്നു . അപ്പോൾ ക്ലാസ്സ്‌ കട്ട്‌ ചെയ്യാൻ താൽപര്യം ഉള്ള എന്നേ പോലത്തെ പിള്ളേരെ വിളിച്ചാൽ അവർ അപ്പോൾ ഇറങ്ങി ചെല്ലും . ഒന്ന് കണ്ണു ഇറുക്കിയാൽ വഴി തെറ്റുന്ന പുഷ്പന്മാരെ പോലെ ആണ് ഇവരിൽ പലരും . വിളിക്കേണ്ട താമസം അങ്ങു ഇറങ്ങി ചെന്നോളും പിന്നേ ക്ലാസ്സിൽ വന്നു പെമ്പിള്ളെരുടെ മുന്നിൽ വിപ്ലവം ആണ് അവരേ ഈ സമരത്തിൽ എത്തിച്ചത് എന്ന് വരേ കാച്ചും . അപ്പോൾ ഞാൻ പറഞ്ഞു വരുന്നത് , ജെനെരലി എന്നെ പോലെ ഒന്നിനും കൊള്ളാത്ത കുറേ പേർ ഈ സമരത്തിൽ ഒക്കെ പങ്കെടുത്തിട്ടുണ്ട് . ഇപ്പോൾ കേരളത്തിൽ നടക്കുന്ന ഈ ഉമ്മ സമരം ഇത് പോലത്തെ ഒരു 'പോള' വിപ്ലവം (എല്ലാം അല്ല , ചിലത് മാത്രം )  ആണോ എന്നൊരു ആശങ്ക എന്നേ പോലെ പലർക്കും ഉണ്ട് . സദാചാര ഗുണ്ടായിസം ഏറെ കൂടുതൽ ആണെന്ന സത്യം മനസ്സിലാക്കുമ്പോഴും അതിനുള്ള ഉത്തരം ഒരു ചുംബന സമരം ആണോ എന്ന് എനിക്ക് അറിയില്ല . അത്രയ്ക്ക് വിപ്ലവും സദാചാരവും തമ്മിൽ സംഘർഷം ആണെങ്കിൽ പിന്നേ ആ സദാചാര ഗുണ്ടകളെ പിടിച്ചു അങ്ങ് ഫ്രഞ്ച് കിസ്സ്‌ അടിക്കാൻ മുതിരണം . ഒരാളുടെ ചൊടിയും തീരും , മറ്റേ ആളുടെ കടിയും തീരും .

ചുംബന സമരം കൊണ്ട് വ്യക്തി സ്വാതന്ത്ര്യം ആണ് ഉദ്ദേശിക്കുന്നത് അത് പോലെ ഇത് ഒരു വിപ്ലവം ആണ് എന്നോക്കെ വായിക്കുമ്പോൾ ഇതിൽ ഇത്രേ ഒക്കേ പറയാൻ എന്ത് ഇരിക്കുന്നു എന്ന് തോന്നി പോകുന്നു . ഒരാണിനും പെണ്ണിനും ചുംബിക്കാൻ നാട്ടുകാരുടെ പെർമിഷൻ വേണം എന്ന് പറയുന്നത് പോഴത്തരം അല്ലേ ? അവർ അങ്ങ് കിസ്സ്‌ ചെയ്തോട്ടെ ഭായി , ഇങ്ങൾക്ക്‌ എന്താ ? ഇന്ന്  ഒരു പെണ്ണിനെ വളയ്ക്കാൻ ഒരു ആവറേജ് മലയാളി പയ്യൻസ് എത്ര പാട് പെടുന്നു എന്ന് ആർക്കും അറിയേണ്ടല്ലോ ? ഇവളുമാരുടെ ജാടയും സഹിച്ചു പഞ്ചാര അടിച്ചു ഒലിപ്പിച്ചു കുപ്പിയിൽ ആക്കി കോഫി ഷോപ്പിൽ എത്തിക്കുമ്പോഴേക്കും മനുഷ്യന്റെ ഊപ്പാട ഇളകും (ഒരൽപം സെക്സിസം ആണെങ്കിൽ ക്ഷമിക്കുക എല്ലാം ഒരു തമാശ ആണേ )  . അങ്ങനെ ഉള്ള ഇവരേ സദാചാര കമ്മിറ്റി വന്നു വേട്ടയാടുന്നത് എവിടത്തെ ന്യായം ആണ് ? ഈ കിസ്സ്‌ ഓഫ് ലവ് റെവൊലുഷൻ  ഇതിനെല്ലാം ഒരു പരിഹാരം ആവും എങ്കിൽ അത് അങ്ങനെ തന്നേ സംഭവിക്കട്ടെ. അവർക്ക് എന്റെ എല്ലാ വിധ ഭാവുകങ്ങളും.

Kiss Of Love -   Facebook Page വീക്ഷിക്കുമ്പോൾ വ്യക്തി സ്വാതന്ത്ര്യത്തിൽ ഉപരി അത് ഒരു Anti-Fascist സെറ്റപ്പ് അല്ലേ എന്നൊരു സംശയം . ഫാസിസം അവസാനിപ്പിക്കാൻ , ചുംബനം എന്നൊരു എക്സ്പ്രെസ്സിവ് മോമെന്റിനെ ചൂഷണം ചെയ്യുകയാണ് ലക്ഷ്യം എങ്കിൽ ഇത് ഒരു never ending saga ആവുകയെ ഉള്ളു. സദാചാര ഗുണ്ടകളേ എതിർക്കാൻ ചേരുന്നത് മറ്റൊരു വിപ്ലവ ഗുണ്ടായിസം ആകുമോ എന്നാണു എന്റെ പേടി . ജന വികാരം മനസിലാക്കി ചേർത്തി തട്ടി കൂട്ടി ഉണ്ടാക്കിയ ഒരു അസന്തുലിത രാഷ്ട്രീയ കരു നീക്കം പോലെ ഉണ്ട് അതിലേ ചില കമന്റ്സ് . ഈ സമരം തുടങ്ങിയ കാരണങ്ങൾ തന്നേ ആണോ ഇപ്പോളും ഇത് മുന്നോട്ടു കൊണ്ട് പോകുന്നത് എന്ന് സംശയിക്കേണ്ടി ഇരിക്കുന്നു .  ഇത് എന്റെ മാത്രം വീക്ഷണം അല്ല കുറച്ചു അധികം പേർക്ക് തോന്നിയ ഒരു കാര്യം ആണ് . എന്തോക്കെ ആണെങ്കിലും ഈ സമരം അങ്ങ് ഹിറ്റ്‌ ആയി എന്ന് സമ്മതിച്ചേ പറ്റു . ഇതിൽ നിന്നും എന്തെങ്കിലും നന്മ പുറത്തു വരും എന്ന് പ്രതീക്ഷിക്കുന്നു .


നോട്ട് ദി പോയിന്റ്‌ : കപട സദാചാരികളെ ഒതുക്കാൻ കിസ്സ്‌ ഓഫ് ലവ് ആണ് ഉപായം എങ്കിൽ , വഴിയോരത്ത് മൂത്രം ഒഴിക്കുന്നവരെ ഒതുക്കാൻ അവരേ പാലഭിഷേകം ചെയ്യണം എന്ന് വിനീതമായി അഭ്യർത്ഥിക്കുന്നു .  രാഹുൽ പശുപാലൻ ഇതിനേ നേരിടാൻ മാർഗം വല്ലതും കണ്ടിട്ടുണ്ടോ ?

Monday, December 8, 2014

ക്രിസ്മസ് പരിപാടി 2014 @ ഡെല്മ

കമ്മിറ്റിയിൽ ഉള്ളത് കൊണ്ട് ഡെല്മ നടത്തുന്ന പ്രോഗ്രാമിനെ കുറിച്ച് ഞാൻ തന്നേ വാരുന്നത് ശരി അല്ല എന്നാലും ഈ ബ്ലോഗിന്റെ പേര് ഓർത്തെങ്കിലും ഡെല്മക്കാർ എനിക്ക് എതിരെ  കൊട്ടേഷൻ കൊടുക്കില്ല എന്ന് കരുതുന്നു . ഇന്നലേ ആയിരുന്നു നുമ്മടെ ഡെല്മ ക്രിസ്മസ് പരിപാടി . എല്ലാ കൊല്ലവും പോലെ ഗാനമേള ഓർകെസ്സ്റ്റ്രാ നടത്താം എന്നായി 'icing on the cake' ആയി DJയും . ഡെല്മയുടെ   ഇൻ-ഹൌസ് DJ കിരണ്‍ അവരുടെ കൂടെ  വരും എന്ന് ജോസേട്ടൻ കമ്മിറ്റി മീറ്റിംഗിൽ ഊന്നി ഊന്നി പ്രഖ്യാപിക്കുകയും ചെയ്തു .  അപ്പോൾ DJ ഓക്കേ , ഇനി ഗാനമേളക്കാർ ? കഴിഞ്ഞ കൊല്ലത്തെ ഗാനമേളയുടെ തിക്താനുഭവങ്ങൾ കാരണം മനസ്സിൽ ചെറിയ ഒരു പേടി ഉണ്ടായിരുന്നു. കഴിഞ്ഞ കൊല്ലം വന്നവർ ഒരേ പാട്ട് (നാക്ക മൂക്ക..നാക്ക മൂക്ക ) ഒരു പത്തു ഇരുപതു പ്രാവശ്യം പാടി കാണും. എന്നാലും പുതിയ ഒരു ട്രൂപ് വരുമ്പോൾ അങ്ങനെ ആവില്ല എന്നു നല്ല്ലൊരു പ്രതീക്ഷ ഉണ്ടായിരുന്നു . Eventcatz എന്ന organizers ആണ് DJ ആൻഡ്‌ ഗാനമേള രണ്ടും കൊണ്ട് വരുന്നത് . ഫില്ലി , ന്യു യോർക്ക്‌ , ഡീ സീ , ന്യു ജേഴ്സി എന്നിവിടിങ്ങളിലെ കലാകാരന്മാരെ അവർ ഒന്നിച്ചു കൊണ്ട് വരും എന്നാണ് പ്രസിഡന്റ്‌ ലാരി ഭായി പറഞ്ഞത് .അങ്ങനെ ഇന്നലെ പറഞ്ഞതിലും നേരത്തെ അവർ എത്തി . നല്ല സെറ്റപ്പ് ലൈറ്റ് , സ്പീക്കർ സിസ്റ്റം ഒക്കെ ഉണ്ട് . സ്റ്റേജ് റെഡി ആക്കാനും ഇൻസ്റ്റ്രുമന്റ്സ് സെറ്റപ്പ് ചെയ്യാനും അവർ അധികം നേരം എടുത്തില്ല താനും . ഒട്ടും ജാഡ ഇല്ലാത്ത പാവം ട്രൂപ്പ് , അല്ലാണ്ടേ നാട്ടിൽ ഞാൻ കണ്ടിട്ടുള്ള ചില ഗാനമേളക്കാരെ കണ്ടാൽ എന്റെ പോന്നോ !! സിനിമ നടൻ അനൂപ്‌ ചന്ദ്രന്റെ സ്വരം ഉള്ള ഒരു ഘടി ആയിരുന്നു അവരുടെ ഓർഗനൈസർ . അങ്ങനെ എല്ലാം റെഡി ആയി അവർ പാടി തുടങ്ങിയതും കണ്ണ് നിറഞ്ഞു പോയി . കമ്മിറ്റിക്കാർ (ഞാൻ ഉൾപടെ) പതിയെ ബാഡ്ജ് ഊരി പോക്കെറ്റിൽ ഇട്ടു തുടങ്ങി . എന്നിട്ട് ഞാൻ ഒന്നും അറിഞ്ഞില്ലേ രാമ നാരായണ എന്ന മട്ടിൽ അവിടെ മിഴിച്ചു നിന്നു . പാട്ടിന്റെ സെലെക്ഷൻ ആണോ അതോ പാടാൻ അറിയാഞ്ഞിട്ടാണോ എന്ന് അറിയില്ല അവർ 
പാടുന്നത് കണ്ടിട്ട് എനിക്ക് പോയി 2 പാട്ട് പാടാൻ ഉള്ള കോണ്‍ഫിഡൻസ് കിട്ടി എന്ന് വേണേൽ പറയാം . നമ്മുടെ നാട്ടിൽ പരിപാടി കുളം ആയാൽ കൂവുന്ന ഒരു പതിവു ഉണ്ട്, എല്ലാം കഴിഞ്ഞു കമ്മിറ്റിക്കാർ അവരെ  പിടിച്ചു മുറിക്കു അകത്തു പൂട്ടി ഇടും . കോട്ടും സൂട്ടും ഇട്ടതു കൊണ്ട് ആരും കൂവിയില്ല , പക്ഷേ പൂട്ടി ഇടണം എന്ന് പലർക്കും മോഹം ഉണ്ടായി കാണും . അതിൽ തെറ്റു പറയാൻ ഇല്ല . ഏതോ ഒരു പാട്ടുകാരൻ ഹരി മുരളിരവം തെറ്റി പാടിയപ്പോൾ അയാളേ കൊണ്ട് ആ നാട്ടുകാർ അതേ പാട്ടു 10 വട്ടം പാടിച്ച ഒരു കഥ കേട്ടിട്ടുണ്ട് . ഇവിടേ ആയിരുന്നേൽ പല പാട്ടുകാരും (എല്ലാവരും ഇല്ല , ചിലർ മാത്രം ) ബുദ്ധിമുട്ടിയേനെ. പിന്നെ യേശുദാസ് പാടിയാലും അതിൽ സംഗതി പോരാ സാധനം ഇല്ല എന്ന് പറയുന്നവർ ആണ് നമ്മൾ മലയാളികൾ . അപ്പോൾ പിന്നെ ഈ പാവം ഗാനമേളയിൽ കുറ്റം കണ്ടു പിടിക്കാൻ ആണോ ബുദ്ധിമുട്ട് ?? ബേസിക്കലി  ഡെല്മ ഒരു കൊച്ചു സംഘടനയാണ്, നമ്മുടെ ബട്ജറ്റ് ആവട്ടേ അതിലും ചെറുത്‌ . കോണ്‍ഫിഡന്റ് ഗ്രൂപ്പ്‌ സ്പൊണ്‍സർ ആയിരുന്നു എങ്കിലും ആകെ 40 ഫുൾ ടൈം മെംബേഴ്സ് ഉള്ള ഡെല്മയ്ക്കു അതിന്റേതായ പരിമിതികൾ ഉണ്ടെന്നു നമ്മൾ മനസ്സിലാക്കണം . നാളെ ഡെല്മയിൽ ഒരു 150 ഫുൾ ടൈം മെംബേർസ് ആവട്ടേ യേശുദാസിനെ തന്നേ  ഇറക്കാം എന്ന് ചാണ്ടിച്ചൻ വാക്കു തന്നിട്ടുണ്ട്. പിന്നല്ല !!


 ആൾക്കാരുടെ മൂഡ്‌ മാറുന്നതിനു മുൻപ് തന്നെ ഫുഡ്‌ വിളംബി തുടങ്ങി . അങ്ങനെ ആൾക്കാരുടെ കോണ്‍സെണ്ട്രേഷൻ മൊത്തം ഫുഡിൽ ആയി. ഞങ്ങളിൽ പലരും വീട്ടിൽ ഉണ്ടാക്കിയ ഹോംലി ഫുഡ്‌ ആസ്വദിച്ചു കഴിച്ചു കൊണ്ട് എല്ലാവരും ബിസി ആയി . ഈ തിരക്കു പിടിച്ച ലൈഫിലും നാട്ടുകാർക്ക് വേണ്ടി ആഹാരം ഉണ്ടാക്കിയ എല്ലാ സ്ത്രീ ജനങ്ങൾക്കും ഒരായിരം നന്ദി . ഓഡിയൻസ്സിന്റെ റെസ്പോണ്‍സ് മനസിലാക്കിയ പാട്ടുകാർ പിന്നേ അടിച്ചുപൊളി പാട്ടിലോട്ടു പോയി തുടങ്ങി . അതോടെ സട കുടഞ്ഞു എഴുന്നേറ്റ സിംഹത്തിനെ പോലെ കുട്ടികളും പാട്ടുകാരും കാണികളും എല്ലാവരും ഡാൻസ് തുടങ്ങി . പിന്നേ അങ്ങോട്ട്‌ സ്റ്റേജ് DJ ഏറ്റെടുത്തു . DJ കിരണിനെ കുറിച്ച് 2 വാക്ക് , ആള് ചില്ലറക്കാരൻ അല്ല . പേരിൽ തന്നേ ഒരു bass ഉണ്ട് 'കിരണ്‍ ചന്ദ്രഹാസ' എന്നാണ് ഫെസ്ബുക്കിലെ പേര് . ഹി ഈസ്‌ എ ന്യു ജെനെറേഷൻ DJ, എ കമ്പ്ലീറ്റ്‌ ഫ്രീക്കൻ . കാതിൽ കമ്മലും , വഴി തെറ്റിയ താടിയും , യോ യോ വേഷവും നടത്തവും പിന്നേ കഴുത്തിൽ റോസാപ്പൂവിന്റെ ടാറ്റൂ, തിളങ്ങുന്ന equipments (ആപ്പ ചട്ടി കമിഴ്ത്തി ഇട്ടിട്ടു അതിനു ചുറ്റും കുറേ ലൈറ്റ് പിടിപ്പിച്ചത് ) ഒക്കേ ആയിട്ടാണ് പുള്ളിയുടെ പെർഫോർമൻസ് . ഇപ്പോളത്തെ ന്യു ജെനെറേഷൻ സിനിമാക്കാർ ഇങ്ങോരെ കണ്ടു വേണം പഠിക്കാൻ . പുള്ളിടെ കല്യാണം കഴിയാത്തത് ആണോ അതോ കല്യാണം കഴിഞ്ഞ വിഷമം ആണോ എന്നറിയില്ല ബാംഗ്ലൂർ ഡെയ്സിലെ മംഗല്യം പാട്ടു പുള്ളി ഇടയ്ക്കിടെ കേൾപ്പിച്ചു . ബാക്കി സ്ഥിരം അടിച്ചു പൊളി കുത്ത് പാട്ടു എല്ലാം ഇറക്കി അങ്ങോട്ടു ഓളം ആക്കി .  പാട്ടിന്റെ കുറവു പാട്ടുകാർ ഡാൻസിൽ തീർത്തു എന്ന് പ്രത്യേകം പറയണം .   ഡാൻസ് കളിച്ചു കളിച്ചു അവസാനം കപ്പിൾ ഡാൻസ് കളിക്കാനും ഡെല്മക്കാർ മുതിർന്നു എന്നത് മറക്കാനേ പറ്റില്ല  . വീട്ടിൽ ഭാര്യയുടെ താളത്തിന് തുള്ളുന്ന
ഭർത്താക്കന്മാർ എല്ലാവരും മതി മറന്നു ഭാര്യയേം കൂട്ടി 'rocked the dance floor'.  എന്തായാലും പരിപാടി ഉഗ്രൻ ആയി എന്നതിൽ ഒരു സംശയം വേണ്ട . ഡെല്മ കുടുംബക്കാർ എല്ലാം ഒന്നടങ്കം അടിച്ചു പൊളിച്ചു അതിൽ കൂടുതൽ  എന്ത് വേണം .  അനിലേട്ടന്റെ വെളിച്ചപാടും , മോഹൻ അങ്കിളിന്റെ ഗോവിന്ദയും ,  നെബുവിന്റെ കുതിരയും  ,അദുവിന്റെ കുത്തു ഡാൻസും , പപ്പേട്ടന്റെ സർപ്പവും  എല്ലാം കലാമണ്ഡലം കേരളീയ കലകളുടെ കൂട്ടത്തിലേക്ക് ചേർക്കപെടേണ്ടതാണ് .

ഇതിനിടയിൽ ലോകത്തിലെ ആദ്യത്തെ വനിത സാന്റയേയും ഡെല്മ രംഗത്തു ഇറക്കി . ഈ സാന്റാ അഥവാ സാന്റിക്കു (സുനിത ചേച്ചി ) പോഷകാഹാരത്തിന്റെ കുറവു വളരേ വ്യക്തം ആയിരുന്നു . സാന്റാ എന്താ ഡയറ്റിങ്ങ് ആണോ എന്നാണ് പലരും ചോദിച്ചത് . എന്നാലും പിള്ളേരോടൊപ്പം തുള്ളി ചാടുവാനും കാണികളോട് ഒത്തിണങ്ങാൻ എവർ റെഡി ആയിരുന്നു ഈ സാന്റി. അത് കൊണ്ടു പിള്ളേർ സൂപ്പർ ഹാപ്പി, ഫോട്ടോ എടുക്കാൻ കുടുംബങ്ങളും ഡബിൾ ഹാപ്പി . അല്ലെങ്കിൽ പല ക്രിസ്സ്മസ്സ് ഫോട്ടോയ്ക്കും ഭർത്താവിന്റെ കണ്ണ് സാന്റയുടെ കൈ സ്വന്തം ഭാര്യയുടെ പുറത്തു ആണോ എന്ന് നോക്കുന്ന വിധം ആണ് . ഇവിടേ ലേഡി സാന്റയായത് കൊണ്ട് ആർക്കും കുഴപ്പം ഇല്ല .


നോട്ട് ദി പോയിന്റ്‌ : ഈ ഡെലാവേറിൽ ഒന്ന് പട്ടിണി കിടക്കാൻ വേണം $20 ഡോളർ അപ്പോളാണ് $30 ഡോളറിനു സ്റ്റാർട്ടർ , ഫുഡ്‌ ,  ഡ്രിങ്ക്സ് , ഡാൻസ് , മ്യൂസിക്‌ , ഫോട്ടോ ....ഇത്രേം ഒക്കെ പോരെ ? ഇനിയും വേണം എന്ന് ആഗ്രഹിക്കുന്നത് വെറും അത്യാഗ്രഹം അല്ലേ മോനേ ദിനേശാ!!!



Monday, October 6, 2014

ചില ബാല്യകാല ഓർമ്മകൾ

ഇന്ന് രാവിലേ നാട്ടിലേക്ക്  വിളിച്ചപ്പോൾ അമ്മ പറഞ്ഞു ഡീന ചേച്ചി അമ്മയേ കാണാൻ വന്നിരുന്നു . ഏകദേശം 20 കൊല്ലം കഴിഞ്ഞിട്ടാണ് അമ്മ ചേച്ചിയെ കാണുന്നത് . ഞാൻ കൊച്ചായിരുന്നപ്പോൾ ഞങ്ങൾ കുട്ടികളുടെ നേതാവ് ആയിരുന്നു ചേച്ചി . സിനിമയിൽ പാർവതിയെ (Mrs. Jayaram) കാണുമ്പോൾ എന്റെ കസിൻ ഉണ്ണി പറയുമായിരുന്നു 'അതാ ഡീന ചേച്ചി ടീ.വീയിൽ ' . അത്രയ്ക്കും സുന്ദരി ആയിരുന്നു ഞങ്ങടെ ചേച്ചി . ചിരട്ട കൊണ്ട് മണ്ണപ്പം ചുടാനും , കുഴിയാനയെ പിടിക്കാനും പിന്നേ തോട്ടിൽ നിന്നും മീൻ പിടിക്കാൻ ഒക്കെ ഞങ്ങളേ പഠിപ്പിച്ച ആളാണ്‌ പുള്ളിക്കാരി . ക്രിസ്സ്മസ്സ് ആയാലും ഈസ്റ്റർ ആയാലും ഡീന ചേച്ചിയുടെ വീട്ടിൽ ആയിരുന്നു ഞങ്ങടെ കുട്ടിപട്ടാളം . വട്ടയപ്പം , കേക്ക് , അച്ചപ്പം, കട്ട്ലറ്റ്  അങ്ങനെ അമ്മച്ചിയുടെ കരവിരുതിൽ ഉണ്ടാക്കിയ എല്ലാ ഫുഡും അടിപിടി കൂടി കഴിക്കാൻ നല്ല രസം ആയിരുന്നു .

ഒരു ദിവസം അമ്മ പറഞ്ഞു ഞാൻ അറിഞ്ഞു ഡീന ചേച്ചി കന്യാസ്ത്രീ ആവാൻ പോവുകയാണെന്ന് . അവരുടെ കുടുംബത്തിൽ തുടരേ തുടരേ കുറേ അനർഥങ്ങൽ ഉണ്ടായപ്പോൾ അമ്മച്ചി നേർന്നത് ആണ് പോലും . മിണ്ടിയാൽ കരയുന്ന എന്റെ അമ്മ അതു പറഞ്ഞു കുറേ കരഞ്ഞു . കാര്യം മനസ്സിലായെങ്കിലും ഡീന ചേച്ചി ഇനി ഒരിക്കലും കല്യാണം കഴിക്കില്ല എന്നും പിന്നേ എപ്പോളും  ഒരു ഉണിഫോറം ഇട്ടേ നടക്കുള്ളൂ എന്നോക്കെ ആരോക്കെയോ പറയുന്നതിൽ നിന്നും അന്ന്  മനസ്സിലായിരുന്നു അത്രേ മനസ്സിലായുള്ളൂ . പിന്നീട് കാലം അങ്ങനേ മുന്നോട്ടു പോയി , പക്ഷേ സിനിമയിലോ അതോ നേരിട്ടോ ഒരു കന്യാസ്ത്രീയെ കാണുമ്പോൾ അത് ഡീന ചേച്ചി ആണോ എന്ന് ഞാൻ ശ്രദ്ധിച്ചു നോക്കും . അത് കൊണ്ട് തന്നേ ഡീന ചേച്ചിയെ ഞാനോ എന്റെ കസിൻസ് ആരും മറന്നില്ല എന്ന് പറയാം. ഞങ്ങൾ ഡൽഹിയിൽ നിന്നും വന്നപോഴേക്കും അമ്മച്ചിയും കുടുംബവും പാലക്കാട്‌ വിട്ടിരുന്നു . വല്ലപ്പോളും അമ്മച്ചിയുടെ മകൻ ജോർജ് അങ്കിൾ പാലക്കാട്‌ വരുമ്പോ വീട്ടിൽ വരും അങ്ങനെയാണ് കാര്യങ്ങൾ അറിയുന്നത് . കന്യാസ്ത്രീ ആയതും ചേച്ചി ഇപ്പോൾ സിസ്റർ റൊസിറ്റ ആയതു അങ്ങനെ ആണ് ഞങ്ങൾ അറിഞ്ഞത് .

ഏകദേശം 12 വർഷം മുൻപ് സുൽതാൻപേട്ട ജങ്ക്ഷനിൽ എന്തോ ആവശ്യത്തിനു പോയപ്പോൾ എൻറെ എതിരേ 2 കന്യസ്ത്രീമാർ നടന്നു വരുന്നുണ്ടായിരുന്നു . ചേച്ചി ഏതു സിസ്റ്റർ ആയാലും ഒറ്റ നോട്ടത്തിൽ തന്നേ  എനിക്ക് മനസ്സിലായി അത് ഡീന ചേച്ചി ആണെന്ന് . ഓടി ചെന്നു 'ഡീന ചേച്ചി' എന്നു വിളിച്ചു . 6 അടി പൊക്കമുള്ള ഒരു തടിമാടന്റെ ഒച്ച കേട്ടിട്ടാണോ അതോ ആ പഴയ പേര് കേട്ടിട്ടാണോ എന്നറിയില്ല ചേച്ചി ഒന്ന് പകച്ചു നിന്നു . കൂടേ ഉള്ള സിസ്റർ ആവട്ടേ ഉമ്മൻ ചാണ്ടിയെ പോലെ ഭബ്ഭാ പറയുന്നുണ്ടായിരുന്നു
 'മോൻ ഏതാ ?ആരാ?' . 
കുറച്ചു നേരം എന്നേ സൂക്ഷിച്ചു നോക്കിയിട്ട് ചിരിച്ചു കൊണ്ട് ചേച്ചി ചോദിച്ചു
 'അരുണ്‍ അല്ലേ എന്ന് ?' 
എൻറെ മൂത്ത കസിൻ ആണ് അരുണെട്ടൻ, പുള്ളിക്കാരൻ ആയിരുന്നു ചേച്ചിയുടെ മെയിൻ ശിങ്കിടി പിന്നിൽ വാലുകൾ ഞങ്ങൾ 5-6 പേരും .
 'അല്ല ഞാൻ ശബരിഷ് ആണ് ' 
എന്ന് പറഞ്ഞതും ചേച്ചി ബാക്കി പറഞ്ഞു 
'സൌമിനി ചേച്ചിയുടെ മോൻ ? അല്ലേ ? ഒരു അനിയത്തി കൂടി  ഇല്ലേ ?'
'അതേ ശ്യാമ '
ഉമ്മൻ ചാണ്ടിയിൽ നിന്നും അച്ച്ചുതാനണ്ടാനിലേക്ക് എത്തിയ മറ്റേ സിസ്റ്റർ മസിൽ പിടിച്ചു കൊണ്ട് ഞങ്ങൾ രണ്ടു പേരെയും തലങ്ങും വിലങ്ങും നോക്കുന്നുണ്ടായിരുന്നു . 
ഉടനേ ഡീന ചേച്ചി അവർക്ക് ഞങ്ങളേ കുറിച്ച് പറഞ്ഞു കൊടുക്കുന്നുണ്ടായിരുന്നു . അങ്ങോട്ടും ഇങ്ങോട്ടും ഒന്നും പറയാൻ ഇല്ലാതെ ഞങ്ങൾ മൂന്നു പേർ വഴിയോരത്ത് ചിരിച്ചു കൊണ്ട് നിന്നു . കുറച്ചു നേരം കഴിഞ്ഞു  യാത്ര പറഞ്ഞു അവർ രണ്ടു പേരും അവരുടെ വഴിക്കു പോയി. ചേച്ചി എവിടെ ആണെന്നോ എന്തു ചെയുന്നു എന്നൊന്നും ചോദിക്കാത്തതിൽ ചെറിയ ഒരു വിഷമം ഉണ്ടായിരുന്നു എങ്കിലും അവരേ കണ്ടതിന്റെ ത്രിൽ ഒന്ന് വേറെ തന്നേ ആയിരുന്നു . ഇപ്പോൾ ഇതാ പെട്ടെന്ന് ഞങ്ങടെ വീട്ടിലേക്കു ഒരു വിസിറ്റ് . ചേച്ചി ഇപ്പോൾ അട്ടപ്പാടിയിൽ ആണേന്നും അവിടെ സ്കൂളിൽ കുട്ടികളേ  പഠിപ്പിക്കുന്നു എന്നൊക്കെ അമ്മ പറഞ്ഞു കേൾക്കുമ്പോൾ ഒരു സന്തോഷം . ജോർജ് അങ്കിളും , ഫിലോമിനാ ആന്റിയും , ഡെയ്സി ആന്റിയും ഒക്കേ ഇപ്പോളും എന്റെ ബാല്യകാലത്തെ ഓർമകളിൽ ഉണ്ട് . ചില ബന്ധങ്ങൾ അങ്ങനേ ആണ് അത് എല്ലാ തരത്തിലും അവർണനീയം ആണ് . ഒരു ചെറിയ ഓർമ കഷ്ണം കിട്ടേണ്ട താമസം പഴയ ഓർമ്മകൾ അല തല്ലി പോന്നോളും .

നോട്ട് ദി പോയിന്റ്‌ : ഇപ്പോൾ ആലോചിക്കുമ്പോൾ ചേച്ചിയോട് വല്ലാത്ത ആരാധന . അമ്മച്ചിയുടെ പ്രാർത്ഥന ഒരൽപം  കടന്ന കൈ ആയിപോയെന്നു തോന്നുമ്പോൾ പോലും , സ്വന്തം കുടുംബത്തിന്റെ നന്മയ്ക്കായി സുഖ സൌകര്യങ്ങൾ മാറ്റി വെച്ച് ദൈവീകമായ വഴി തിരഞ്ഞെടുക്കുക എന്ന് വച്ചാൽ ചില്ലറ കാര്യം വല്ലതും ആണോ ??  പുലി ആണ് ഞങ്ങടെ ഡീന ചേച്ചി !! അല്ലേ ??



Tuesday, September 23, 2014

ഡെല്മ ഓണം 2014 (Ground Report)

ഏതൊരു പ്രവാസി മലയാളിയും ഉറ്റു നോക്കുന്ന ഒരു ഉത്സവം ആണ് ഓണം . അമേരിക്കയിൽ ഈ കൊച്ചു ദെലാവെരിൽ ഓണം ഒരു രണ്ടു രണ്ടര മാസം നീണ്ടു നിൽക്കും . അമ്പലത്തിലെ ഓണം , പള്ളിയിലെ ഓണം , ഭജന ഗ്രൂപ്പിന്റെ ഓണം , ഫ്രെണ്ട്സിന്റെ വീട്ടിലേ ഓണം പിന്നേ സ്വന്തം വീട്ടിലേ ഓണം. എന്നാൽ എല്ലാം കഴിഞ്ഞു ഡെല്മ ഓണം എന്ന് പറയുമ്പോൾ ഈ പറയുന്ന എല്ലാവരും ഒത്തുകൂടി അടിച്ചു പൊളിച്ചു ഒരു ഓണം ആഘോഷിക്കും. അതാണ്‌ ഇവിടുത്തേ പതിവ്, അത് തന്നേ ആവും എല്ലാ പ്രവാസി മലയാളികളുടെയും പതിവ്. അങ്ങനേ സെപ്റ്റംബർ ഇരുപതിന് ഹോക്കെസ്സിൻ ടെമ്പിളിൽ വെച്ചായിരുന്നു ഈ വർഷത്തെ ഓണാഘോഷം. പക്ഷേ അതിലേക്കു കടക്കും മുൻപേ ഈ ദിവസത്തിന്റെ മുന്നത്തെ രണ്ടു ആഴ്ചകൾ പറയാതെ വയ്യ . 'ഉത്രാടപാച്ചിൽ ' എന്ന്  നാട്ടിൽ പറയുന്ന അവസ്ഥയുടെ പതിന്മടങ്ങ്‌ ആണ് ഞങ്ങൾ ഡെല്മക്കാർ ഇവിടെ അനുഭവിക്കുന്നത് . ഉത്രടപാച്ചിലിന്റെ അന്ന് പച്ചക്കറി വാങ്ങാനും പുത്തൻ ഉടുപ്പ് വാങ്ങാനും കടയായ കട മൊത്തം അരിച്ചു പെറുക്കി ആണ് ഓണത്തിന് ഒരു 'കിക്ക്' കിട്ടുന്നത് .  എന്നാൽ ഇവിടെ ആവട്ടെ ഷോപ്പിങ്ങിനു പുറമേ കുട്ടികളുടെ ഡാൻസ് പ്രാക്ടീസ് , അമ്മമാരുടെ ഡാൻസ് പ്രാക്ടീസ് , സ്റ്റേജ് ഒരുക്കം , സ്പൊണ്‍സരെ ചാക്കിലാക്കൽ എല്ലാത്തിനും ഇടയിൽ അച്ഛന്മാരുടെ ഫുട്ബോളും വോള്ളിബോളും . ഇതെല്ലം ആ ഒരു ദിവസത്തിന് വേണ്ടി .

ഇപ്പോൾ ഊഹിക്കാമല്ലോ ഈ ഡെല്മ ഓണാഘോഷം ഞങ്ങൾക്ക് എത്ര വിലപെട്ടത്‌ ആണെന്ന് . ഒരു പ്രോഗ്രാമിന്റെ സക്സസ് അതിലേ സംഘാടകർക്ക് ആണെങ്കിൽ . ഇവിടേ പ്രോഗ്രാം സക്സസ്സിന്റെ ക്രെഡിറ്റ്‌ പോകുന്നത് വീട്ടിലെ സ്ത്രീജനങ്ങൾക്ക് ആണ് . കാരണം മറ്റൊന്നുമല്ല , ഇവിടേ ഞങ്ങൾ ഓണസദ്യ വീട്ടിൽ ഉണ്ടാക്കാർ ആണ് പതിവ് . എല്ലാവരും ഓരോരോ വിഭവങ്ങൾ  പാചകം ചെയ്തു കൊണ്ട് വരുമ്പോൾ കിട്ടുന്ന ഒരു സ്വാദ് , കച്ചവടകണ്ണുള്ള ഒരു കേറ്റരിങ്ങിനും സാധിക്കൂല്ല അത് 100% ഉറപ്പു . സദ്യ ഉഗ്രനായാൽ പിന്നേ ഏതൊരു മലയാളിയും ഹാപ്പി ആണ്, അതാണ്‌ അതിന്റെ ദാറ്റ്‌ ഈസ്‌ . ഈ കൊല്ലം സദ്യ ഗംഭീരം ആയിരുന്നു . അത് കഴിഞ്ഞിട്ടുള്ള കലാപരിപാടികൾ അതിലും ഉഗ്രൻ . എത്ര എത്ര കലാകാരന്മാർ\കലാകാരിമാർ  ആണ് ഈ കൊച്ചു ദെലാവെരിൽ ഉള്ളത് ? എഴുതാനും, പാടാനും , ആടാനും , അഭിനയിക്കാനും എന്ന് വേണ്ട മികവൂറ്റ കുറെയേറെ പ്രോഗ്രാംസ് പുഷ്പം പോലെ അവതരിപ്പിക്കാനും ഒരുപാടു പേർ . എന്റെ ഭാര്യയുടെ ഡാൻസും ഉണ്ടായിരുന്നു , അവൾ സ്റ്റേജിൽ ആടി ഞങ്ങടെ പുത്രനേ വച്ച് ഞാൻ സദസ്സിലും .  സെറ്റ് അപ്പ് ഒക്കെ മാറിയില്ലേ ?? ഇപ്പോ  കൊച്ചിന് പാല് കൊടുക്കുന്നത് അച്ഛനാ . പപ്പേട്ടന്റെ അച്ഛനും , അമ്മയും, ആലിസും രാകേഷിന്റെ അമ്മയും ഇല്ലായിരുന്നേൽ ഞാൻ ഇക്ഷ ഇമ്മ ജജ്ജ വരഛേന്നെ . എന്ത് ചെയ്യാം ഞാനും ടാറ്റയും അംബാനിയും ഒക്കേ കമ്മിറ്റി മെംബേർസ് ആയി പോയില്ലേ ??(ജാഡ ഒട്ടും കുറയ്കുന്നില്ല ) ? എന്തായാലും തിന്ന സധ്യ അപ്പോൾ തന്നേ ദഹിച്ചു എന്ന് പറയാം. പിന്നേ ആകേ സമാധാനം എന്നേ പോലെ തന്നേ വേറെ കുറേ തന്തമാർ പിള്ളേരെ എടുത്തു തെക്ക് വടക്ക് നടക്കുന്നുണ്ടായിരുന്നു . എന്റെ രാഹുൽ ഗാന്ധി ഭായി , സ്ത്രീ ശാക്തീകരണം എന്നോക്കെ നീ പറയും. കല്യാണം കഴിഞ്ഞു ഒരു കൊച്ചു ആവട്ടേ , സ്ത്രീ ശക്തി എന്താണെന്ന് നീ അറിയും. അപ്പോളെ അറിയൂ !!

നോട്ട് ദി പോയിന്റ്‌ : അടുത്ത മീറ്റിങ്ങിനു നുമ്മ പ്രസിഡണ്ട്‌ ലാരിയോടും , വൈസ് പ്രസിഡന്റ്‌ ബിജുഭായിയോടും ഒരു അപേക്ഷ . ഫുഡ്‌ , സ്റ്റേജ് , ടിക്കറ്റ്‌ , ആർട്സ് കമ്മിറ്റി പോലെ കൊച്ചുങ്ങളെ നോക്കാനും ഒരു ചൈൽഡ് കെയർ കമ്മിറ്റി കൂടെ രൂപവല്ക്കരിക്കാൻ ഊന്നൽ നൽകണം . ഇല്ലേൽ കമ്മിറ്റിയിലെ ചെറുപ്പക്കാർ ക്ഷീണിച്ചു അവശർ ആവും .



Tuesday, August 5, 2014

My 'sad' diatribes on war

Sitting comfortably on a couch surfing through channels I see some News Flashes on Gaza, Israel, Hamas etc etc. And not for the first time I have no clue which version of truth to believe. Truth as manifested and obliterated by news media has made me callous to put it mildly. Although many wouldn't agree but I think m(b)illions amongst us have become ignorant about the feuds in Palestine and Israel. There are no good people and bad people in a bloody war, only a bunch of unfortunate people.  The so called holy land is fighting it out with tooth and nail with deaths tolling to thousands every few years. When my kid sleeps comfortably in his bed besides his mother I am worried about those children in these conflict zones who are sleeping with constant fear as their intimate companion. The very thought makes me sick and sad at the same time. The Iron dome, the statistics of missiles , the never ending debates , the representatives from each sides, the pictures of destruction and a repeat of all the above in varied proportions daily on every news channel has made me less humane. I see blood on television as frequently as I see marinara on pasta. The so called world leaders are playing it safe and keeping an arms distance to the holy war. They probably are expecting Jesus to resurrect again and bless peace and wisdom to Israelis and Palestinians. And if they are expecting such miracles may the Gods I pray help them in their quest.

 And I am sleepless that how I would explain all this to my son one day if he asks me about it. How would I explain him that every missile fired is backed by a bunch of reasons (or excuses) varying from religion, ego, politics and vengeance. How would I tell him that Son of God was supposedly born somewhere in there. The more lies we spread about these wars, it has a butterfly effect on millions others waiting for an excuse to exhume their enemies. With these images spread virally through our finger tips, our next generation would be the most callous and ruthless generations ever. And for their sakes I hope our world leaders step up in instilling peace in world.

Saturday, July 26, 2014

സന്ദേഷ് ഭായി കഥകൾ

യഥാ യഥാ ഹീ ധര്മസ്യ , 

ഗ്ലനിർവ ഭവതി ഭാരത , 

അഭ്യുഥാനാം അധർമസ്യ , 

തദാത്മാനാം സ്രിജാമി അഹം  !!!


ഇവിടെ ഭഗവദ്ഗീത ശ്ലോകം പറയുന്നത് ഭഗവാൻ ശ്രീകൃഷ്ണൻ ഭൂമിയിൽ അവതരിക്കുന്നതിനെ പറ്റി ആണ് . അങ്ങനെ ഓരോ കഥയിലും ഇതിഹാസത്തിലും  ഒരു യുഗപുരുഷൻ ഉണ്ടായേ മതി ആവു , എന്നാലെ കഥയ്ക്ക്‌ ഒരു വെയിറ്റ് ഉള്ളു . കഥ മുന്നോട്ടു പോകണം എങ്കിൽ ഈ യുഗപുരുഷൻ അവതരിച്ചേ തീരു . ഞങ്ങളുടെ കോളേജ് ബാച്ചിനും ആ ഭാഗ്യം ഉണ്ടായി . ഞങ്ങളുടേതായ ഒരു യുഗപുരുഷൻ . അദ്ദേഹം ആണ് " സന്ദേഷ് ഭായി ". നിങ്ങളുടെ ചിന്തയിൽ സുരേഷ് ഗോപി സ്ലോ മോഷനിൽ നടന്നു വരുന്നത് പോലെ തോന്നുന്നില്ലേ അതാണ്‌ സന്ദേഷ് ഭായി effect . ഈ പറയുന്ന സന്ദേഷ് ഭായി ഞങ്ങളുടെ ബാച്ചിൽ അല്ല പഠിച്ചത് , എന്തിനു ഏറെ ഈ പറയുന്ന ആളേ ഇത് വരേ ഞാൻ ഉൾപ്പടെ പലരും കണ്ടിട്ടേ ഇല്ല . വടക്കൻ പാട്ടിലേ ഒതേനനെ പോലെ സന്ദെഷിനെ കുറിച്ച് പാടി നടന്നത് അങ്ങോരുടെ അരുമ ശിഷ്യൻ ഉണ്ണികുട്ടൻ  (രാകേഷ് ഉണ്ണികൃഷ്ണൻ ) ആയിരുന്നു . ശബ്ദത്തിന്റെ ഗാംഭീര്യവും, ആരേയും തള്ളി തോൽപ്പിക്കാൻ ഉള്ള വാക്ചാതുര്യവും ഉള്ള ഉണ്ണികുട്ടനും സംഘവും കൂടേ സന്ദേഷ് എന്ന പേര് ഞങ്ങളുടെ കോളേജ് ജീവിതത്തിൽ യേശുവിനേക്കാൾ വാഴ്തപ്പെട്ടത്‌ ആക്കി .


എന്ത് പറയാൻ ഉണ്ടെങ്കിലും ഉണ്ണികുട്ടൻ തുടങ്ങുന്നത് ഇങ്ങനേ ആയിരുന്നു " പണ്ടൊരിക്കൽ സന്ദേഷ് ഭായി പറഞ്ഞിരുന്നു … " എന്നിട്ട് അവന്റെ വായിൽ വരുന്ന വിവരക്കേടിൽ കുറച്ചു മസാല ആഡ് ചെയ്തു അങ്ങ് അവതരിപ്പിക്കും . ഹ്ഹോ നുണ ആണെങ്കിലും കേൾക്കാൻ നല്ല സുഖം ആയിരുന്നു.  പലപ്പോഴും അവന്റെ കല്ല്‌ വച്ച നുണകൾ അവൻ പാസ്‌ ആക്കിയിരുന്നത് ആ പാവം സന്ദേശിന്റെ പേര് പറഞ്ഞിട്ടായിരുന്നു . ഫസ്റ്റ് ഇയർ റിസൾട്ട്‌ വന്നു 'മൂഞ്ചി' ഇരിക്കുന്ന സമയത്ത് ഉണ്ണികുട്ടന്റെ വേദവാക്യം ഇങ്ങനേ ആയിരുന്നു "സന്ദേഷ് ഭായി പറഞ്ഞിട്ടുണ്ട് , കുറച്ചു സപ്പ്ലി അടിചാലെ ഭാവിയിൽ നല്ല percentage കിട്ടു ". ഉഴപ്പാൻ തക്കം പാത്തിരുന്ന ഞങ്ങളിൽ പലരും ആ വാക്കുകൾ കണ്ണും അടച്ചു അനുസരിച്ചു  . പിന്നേ percentage , അത് വരും പോകും പക്ഷേ മാർക്കിൽ അല്ല ബുദ്ധിയിൽ ആണ് കാര്യം . ഇത് പറഞ്ഞതും സന്ദേഷ് ഭായി തന്നേ . ഉണ്ണികുട്ടൻ ഓരോ പ്രാവശ്യം സന്ദേഷ് ഭായി എന്ന് പറയുന്നു , അവിടേ ദൂരെ എങ്ങോ സന്ദേഷ് ഭായി ഒന്ന് ചുമച്ചു എന്ന് നമ്മൾ സങ്കല്പിക്കുകയാണെങ്കിൽ . സന്ദേഷ് ഭായി ചുമച്ചു ചുമച്ചു സൈഡ് ആയേന്നെ . അമ്മാതിരി തള്ളു അല്ലേ ഉണ്ണികുട്ടൻ അങ്ങോരുടെ പേരിൽ തള്ളുന്നത് . ഫീകരൻ !!!

പിന്നീടു ഞങ്ങടെ ക്ലാസ്സിലെ പെണ്‍കുട്ടികളിൽ പോലും ആ പേര് ഫേമസ് ആയിരുന്നു . എല്ലാവരുടെയും ചർച്ച വിഷയം ആയിരുന്നു ഈ സന്ദേഷ് ഭായി . മായാവി സിനിമയിലെ മമ്മുട്ടിയെ പോലെ , സന്ദേഷ് ഭായി എന്ന പേരിൽ ഉണ്ണികുട്ടൻ തന്നേ  ആയിരുന്നു യഥാർത്ഥത്തിൽ ആ കഥകൾ തട്ടി വിടുന്നുണ്ടായിരുന്നത് . ഒരിക്കൽ തിരുവനന്തപുരത്ത് നിന്നും ചങ്ങനാശ്ശേരി വരേ ട്രെയിൻ  ടിക്കറ്റ്‌ എടുക്കാണ്ടേ കൊണ്ടു വന്നു . കാരണം ചോദിച്ചപ്പോൾ ഉണ്ണികുട്ടൻ പറഞ്ഞത് ഇത്ര മാത്രം " പണ്ടൊരിക്കൽ സന്ദെഷ് ഭായി പറഞ്ഞിട്ടുണ്ട് , ഇന്ത്യൻ റെയിൽവെയ്സിൽ ടിക്കറ്റ്‌ എടുക്കുന്നത് വെറും ഒരു ഫോർമാലിറ്റി ആണ് . ടി. ടി വന്നാൽ അടുത്ത സ്റ്റേഷനിൽ ഇറങ്ങും എന്ന് പറഞ്ഞാൽ  മതി ". തലയ്ക്കു അടി കൊണ്ടത്‌ പോലെ ഞങ്ങൾ 2-3 പേർ അവിടേ നിന്നു . അപ്പോൾ ഉണ്ണികുട്ടന്റെ അഷ്യുരൻസ് "പേടിക്കെണ്ടെട , സന്ദേഷ് ഭായി പറഞ്ഞാൽ പിന്നേ അതിൽ ചോദ്യമില്ല സംഭവം ശെരി ആയിരിക്കും. " . പിടിക്കപെടാതെ റെയിൽവേ പോലീസിന്റെ ഇടി കൊള്ളാതെ വന്നത് ദൈവാധീനം കൊണ്ട് മാത്രം. അവന്റെ ഒരു സന്ദേഷ് ഭായി. യഥാർത്ഥ സന്ദേഷ് ഇത് വായിക്കുകയാണെങ്കിൽ , നിങ്ങൾ അറിയാതെ നിങ്ങളും ഇതിനെല്ലാം ഉത്തരവാദി ആണെന്ന് ഓർക്കുക . ജാഗ്രതൈ !!!

Sunday, July 13, 2014

സൈക്കിൾ കട മണിയേട്ടൻ

ഇന്ന് ഞാൻ ഏറ്റവും ഇഷ്ട്ടപെടുന്ന ഒരു മഹാമനുഷ്യൻ നമ്മളേ വിട്ടു പോയി . അദ്ദേഹം എന്റെ ജീവിതത്തിൽ എങ്ങനെ വന്നു എന്ന് പറയും മുൻപ് അദ്ദേഹം ആരാണെന്നു ഞാൻ പറയാം. അദ്ധേഹത്തിന്റെ പേരാണ് മണിയേട്ടൻ . ഞാൻ ജനിച്ചു വളർന്നു വന്ന നാട്ടിൽ സൈക്കിൾ കട മണിയേട്ടൻ എന്ന് പറഞ്ഞാൽ ആരും അറിയും . ഒരു സൈക്കിൾ കട നടത്തുന്നതിൽ ഉപരി മണിയേട്ടൻ ഒരു കളരി ആശാൻ കൂടേ ആണു . അതു കൊണ്ട് തന്നേ മർമ ചികിത്സ  ഉഴിച്ചിൽ പിഴിച്ചിൽ തടവൽ എന്നു വേണ്ട ഇങ്ങനത്തെ എല്ലാ കാര്യങ്ങൾക്കും മണിയേട്ടൻ കൂടിയേ തീരു .

നാട്ടിൽ എവിടെ ഫുട്ബോൾ കളി ഉണ്ടെങ്കിലും അതിൽ ചാടി ഇറങ്ങാൻ ഞാൻ ഉണ്ടാകും . എന്നാൽ കളിയിൽ പലപ്പോഴും പരുക്ക് പറ്റുന്നത് ഒരു പതിവാണ് താനും. എന്റെ ചില കൂട്ടുകാർ എന്നേ കളി ആക്കുന്നത്  ഞാൻ 2 മിനിറ്റ് കളിക്കും ബാക്കിയുള്ള സമയം പരുക്കുമായി ഒരു സൈഡിൽ കിടക്കും എന്നാണ് . വല്ല ഇന്റർനാഷണൽ താരം ആയിരുന്നേൽ പരുക്ക് എന്ന് പറഞ്ഞു പത്രത്തിൽ കൊടുക്കാം ആയിരുന്നു . ഇതിപ്പോ ട്യൂഷൻ എന്നും പറഞ്ഞു വീട്ടിൽ നിന്നും പുറത്തു ചാടിയിട്ടു പാടത്തു പോയി ഫുട്ബോൾ കളിച്ചു ചവിട്ടു കൊണ്ട് എന്ന് പറഞ്ഞാൽ അമ്മ എന്നേ അടുപ്പിൽ ഇട്ടു വേവിക്കും . അപ്പോൾ മണിയേട്ടൻ ആണ് എന്റെ ഏക ആശ്രയം . നോണ്ടിയും മുടന്തിയും മണിയെട്ടന്റെ കടയിൽ എത്ര പേർ പോകും എന്നോ ? ഇടക്കിടക്കെ ഞാനും പോകും എന്റെ പരുക്കിന്റെ ആഴം അറിയാൻ .

ഒരു 2 മാസം മുൻപ് മണിയേട്ടനെ കണ്ടു എന്റെ ഇടത്തേ മുട്ടു ഉഴിപിച്ചിരുന്നു . 'ഉണ്ണ്യേ , ഇതോന്നും കാര്യം ആക്കണ്ടട്ടോ . നീ ധൈര്യായിട്ട് പന്ത് കളിച്ചോ ' എന്നാണ് മണിയേട്ടൻ പറഞ്ഞത് . എനിക്ക് തേയ്ക്കാൻ ഒരു കുപ്പി എണ്ണയും കൊടുത്തു വിട്ടു . ഇനി നാട്ടിൽ പോകുമ്പോൾ സൈക്കിൾ കടയിൽ മണിയേട്ടൻ ഇല്ല എന്ന് പറയുമ്പോൾ ഓർക്കാൻ തന്നേ പറ്റുനില്ല . എന്റെ നാട്ടിൽ എനിക്ക് ചെറുപ്പം മുതൽക്കൽ ആരാധനയുള്ള ഒരു പറ്റം ആൾക്കാരുണ്ട് . അവരിൽ ഒരാൾ ഇനി അങ്ങോട്ട്‌ ഇല്ല എന്നാ യാഥാർത്ഥ്യം എന്നേ വേദനിപ്പിക്കുന്നു . ലോകം വെട്ടിപിടിക്കാം എന്ന വ്യാമോഹത്തിൽ നാട് വിട്ട ഞാൻ തിരിച്ചു നാട്ടിൽ എത്തുമ്പോൾ ഇവരാരും ഉണ്ടാവില്ലേ ? ഉണ്ടാവണേ എന്നാണു പ്രാർത്ഥന !!!

Wednesday, May 28, 2014

തീക്കടൽ കടഞ്ഞ തിരുമധുരം

ട്രെയിൻ കമ്പാർട്ട്മെന്റിന്റെ അങ്ങേ അറ്റത്തു നിന്നും ഒരു വയസ്സായ അമ്മൂമ്മ പതിയേ പതിയേ നടന്നു വരുന്നത് ഞാൻ ശ്രദ്ധിച്ചു . വെളുത്ത മുടിയും കറുത്ത ഫ്രേം ഉള്ള കണ്ണടയും ചൂടി അവർ ട്രെയിനിലെ തിരക്കു മാറാൻ ഒരു വശത്തു മാറി നിൽപ്പുണ്ട് . കുട്ടികളുടെ ബഹളത്തിനിടയിലും , പോര്ട്ടര്മാരുടെ ഓട്ടത്തിനിടയിൽ ആരേയും ഉപദ്രവിക്കാതെ ഒരു ഭാഗത്തേക്ക് ഒതുങ്ങി കൂടിയിട്ടുണ്ട് . അവർക്ക് ടിക്കറ്റ്‌ ഏതായാലും ഇല്ല എന്ന് ഏകദേശം ഉറപ്പാണ് , എന്നാലും അവർ എന്തിനാണ് അവിടേ ഇങ്ങനേ നിൽക്കുന്നത് എന്ന് മനസ്സിലായില്ല . നാട്ടിൽ പോകുന്ന excitement കാരണം ഭാര്യ എന്നോട് എന്തൊക്കേയോ പറയുന്നുണ്ട്, ശ്രദ്ധിക്കാതെ അതിനെല്ലാം ഞാൻ ഉം മൂളുന്നുമുണ്ട് . എന്റെ മനസ്സു മുഴുവൻ ആ മുത്തശിയിൽ ആയിരുന്നു . അവരുടെ അടുത്ത നീക്കം കാത്തു ഞാൻ അവിടെ ഇരുന്നു . ട്രെയിൻ ഓടി തുടങ്ങിയിതും അവർ ഒരു ഭാണ്ഡത്തിൽ നിന്നും കുറേ പുസ്തകം എടുത്തു കൈയ്യിൽ അടുക്കി വെച്ചു . ഒരു തോളത്തു ബാക്കി ഉള്ള ഭാണ്ടവും മറ്റേ തോളത്തു ഇമ്മിണി വലിയ സഞ്ചിയും ഉണ്ട് . വെള്ളയിൽ കറുത്ത ബോർഡർ ഉള്ള വേഷ്ടിയും മുണ്ടും ആണ് വേഷം , തണുപ്പ് തട്ടാതിരിക്കാൻ ആവും woolen socks ധരിച്ചിരിക്കുന്നത്‌ . ഇത് കാണുംബോൾ മനസ്സിൽ ഒരൽപം വിഷമം . എന്തിനാണ് വയസ്സാങ്കാലത്ത് ഇവർ ഈ സാഹസത്തിനു നിൽക്കുന്നത് എന്ന് ഊഹിക്കവുന്നതെ ഉള്ളു . എന്നാലും വേണ്ടിയിരുന്നില്ല ഭഗവാനേ .

ഒന്ന് രണ്ടു പേർ പുസ്തകങ്ങളുടെ വില വിവരങ്ങൾ അന്യേഷിക്കുന്നുണ്ട് പക്ഷേ പൊതുവെ ആരും അങ്ങോട്ട്‌ വാങ്ങുന്നില്ല . പയ്യേ പയ്യേ അമ്മൂമ്മ ഞങ്ങളുടെ സീറ്റിനു അടുത്ത് എത്തി . ഞാൻ എണീറ്റപ്പോൾ പുസ്തകങ്ങൾ അവിടേ ഇറക്കി വച്ചു .  ഓരോ പുസ്തകങ്ങൾ എടുത്തു അതിന്റെ ഒരു ചെറിയ റിവ്യൂ പറഞ്ഞു തുടങ്ങി. പുസ്തകങ്ങളേ സ്വന്തം കുഞ്ഞുങ്ങളേ പോലെ സ്നേഹിക്കുന്ന ഒരു അമ്മയായിട്ട്‌ ആണ് എനിക്ക് തോന്നിയത് . എന്നാൽ പുസ്തകങ്ങളും ആയി ഒരു ബന്ധവും ഇല്ലാത്ത വിട്യാസുരൻ ആണ് ഞാൻ എന്ന് അമ്മൂമ്മയ്ക്ക് അറിയില്ല താനും . സത്യം പറഞ്ഞാൽ എന്നിൽ ഞാൻ ഏറ്റവും വെറുക്കുന്നത് എന്റെ വായന കുറവ് ആണ് . ഉണ്ണികുട്ടൻ കുറേ പുസ്തകങ്ങൾ suggest ചെയ്യും . ഇന്ന് വായിക്കാം നാളേ വായിക്കാം എന്ന് പറഞ്ഞു എല്ലാം ശൂന്യം . എന്നാൽ ഇന്ന് ഒരു പുസ്തകം വാങ്ങി വായിച്ചിട്ട് തന്നേ കാര്യം . ആകെക്കൂടെ അറിയാവുന്ന കുറച്ചു എഴുത്തുകാരുടെ പേര് പറഞ്ഞു നോക്കി , അതൊന്നും അമ്മൂമ്മയുടെ അടുത്ത് ഇല്ല . എല്ലാം ഒരൽപം മുന്തിയ ഇനം , ചിലതിന്റെ പേര് പോലും എനിക്കു മര്യാദയ്ക്കു ഉച്ഛരിക്കാൻ പറ്റും എന്ന് തോന്നുന്നില്ല . പക്ഷേ ഈ അമ്മൂമ്മയേ വെറും കൈയോടെ വിടുന്നതും ശെരി അല്ല .

കൂട്ടത്തിൽ ഏറ്റവും വില കൂടിയത് ഒരെണ്ണം എടുത്തു 'തീക്കടൽ കടഞ്ഞ തിരുമധുരം' by 'സീ. രാധാകൃഷ്ണൻ' . 'നല്ല selection ആണ് മോനെ , മലയാളത്തിന്റെ പിതാവ് തുഞ്ചത്ത് എഴുത്തച്ചനെ കുറിച്ചുള്ള കൃതി ആണ് '. ഭാര്യയേ  നോക്കി 'കണ്ടില്ലേ എന്റെ കഴിവു ' എന്ന ഒരു നോട്ടവും നോക്കി ഞാൻ അമ്മൂമ്മ പറയുന്നതും കേട്ടു നിന്നു . പൈസ എല്ലാം കൊടുത്തു ഞാൻ അമ്മൂമ്മയോട് ചോദിച്ചു 'ഇനി എപ്പോൾ വീട്ടിലേക്കു പോകും ?'. വെള്ളം കുടിച്ചു കൊണ്ട് അവർ പറഞ്ഞു 'ഇനി അറക്കൊണത്തു ഇറങ്ങി അടുത്ത ട്രെയിനിൽ കേറി വീട്ടിലേക്കു പോകും . പ്രാരാബ്ധങ്ങളുടെ ചുരുള് അഴിക്കാൻ നിൽക്കാതെ അവർ പറഞ്ഞു 'എന്നും പുസ്തകങ്ങൾ ആണ് എനിക്ക് കൂട്ട് , തിരുവനന്തപുരത്തേക്ക് പോകുന്ന ഈ ട്രെയിനിൽ മിക്കവാറും നല്ല കച്ചവടം നടക്കും അതിനു പുറമേ നമ്മടേ നാട്ടുകാരേ എല്ലാം കണ്ടു സന്തോഷത്തോടെ പോകാം '. എന്റെ മോനേയും കൊഞ്ചിച്ചു അവർ പുസ്തകങ്ങളും തൂക്കി പതിയേ അങ്ങ് തിരക്കിലേക്ക് മറഞ്ഞു പോയി .

ചെന്നൈ - ട്രീവാണ്ട്രം ട്രെയിനിൽ യാത്ര ചെയ്യുന്ന പലരും ഇവരേ കണ്ടിട്ടുണ്ടാവും . അവരുടെ പേര് എനിക്ക് അറിയില്ല, പക്ഷേ അവരേ ഞാൻ ഇടയ്ക്ക് ഓർക്കുന്നു . അവർക്ക് സുഖമാണ് എന്ന് കരുതുന്നു . 

Thursday, May 1, 2014

കേരളവിശേഷം 2014 - പാർട്ട് ഒന്ന്

പ്രവാസികൾ കേരളം അറിയുന്നത് പത്രങ്ങളിലൂടെയും ന്യൂസ്‌ ചാനലുകളിലൂടെയും ആണ് . ഞങ്ങളുടെ കണ്ണിൽ കേരളത്തിൽ വരുന്നകൊച്ചു കൊച്ചു  മാറ്റങ്ങൾ ശ്രദ്ധയിൽ പെടുന്നില്ല എന്നതാണ് സത്യം . ഈ പ്രാവശ്യം അവധിക്കു നാട്ടിൽ വന്നതിനു ശേഷം എന്റെ കണ്ണിൽ പെട്ട ചില സ്മാൾ കാര്യങ്ങൾ ഇവിടെ കുറിച്ചിടുന്നു .

അമ്പട ഓഡി 

അമേരിക്കയിൽ ഒരു ആവരേജ് മലയാളി ഓടിക്കുന്നത് ടോയോട്ടയോ ഹോണ്ടയോ ആവും . ഇത്തിരി കൂടി പോയാൽ ഒരു BMW. ഞമ്മടെ കൊച്ചു പാലക്കാടിൽ തന്നേ ഞാൻ 3 Audi കണ്ടു കഴിഞ്ഞു . ബെൻസ്‌ , BMW ഒക്കേ പിന്നേ ചവറു കണക്കിന് . സുതാര്യ കേരളം എന്ന് ചാണ്ടി സാർ പറയുമ്പോൾ ഇത്രെയും പ്രതീക്ഷിച്ചില്ല . കൊച്ചി ഭാഗത്ത്‌ മീൻ വിൽക്കുന്നത് പോലും മാരുതി സ്വിഫ്റ്റിൽ ആണെന്നാണ്‌ കേട്ടത് . അമേരിക്കയിലും ദുഫായിലും ഉള്ള ചില കൂട്ടുകാർ ഹോണ്ടയുടെയും , നിസ്സാന്റെയും മുൻപിൽ കൂളിംഗ് ഗ്ലാസ്‌ ഒക്കേ ഇട്ടു നെഞ്ചും വിരിച്ചു ഫോട്ടോ ഇടുമ്പോൾ ആലോചിക്കുക ഓഡിയോട് ആണ് നിന്റെ ഒക്കേ കളി .

യെഹ് കടുക്കാംകുന്നം ജാനേ കാ രാസ്ത കൈസാ ഹൈ ഹൌ ഹഹ ??

സന്ദേശത്തിൽ യശ്വന്ത് സഹായ്-ജി ( ഇന്നസെന്റ് ) 'ഹിന്ദി നഹി മാലൂം ??, ഉല്ലു കാ പട്ട , ചമ്പൂർണ്ണ  ചാച്ചരത ' എന്നൊക്കേ പറഞ്ഞു നമ്മൾ മലയാളികളേ കളി ആക്കിയപ്പോൾ നമ്മൾ രസിച്ചു ചിരിച്ചു മരിച്ചു . എന്നാൽ ഇന്ന് ബംഗാളിയോ ഹിന്ദിയോ അറിയാതെ കേരളത്തിൽ പച്ച വെള്ളം പോലും കിട്ടില്ല . റെയിൽവേ സ്റ്റെഷനിൽ ബംഗാളികളുടെ തിരക്ക് കാരണം ചായയും വടയും പത്രവും ഒക്കെ സെൽഫ് സർവീസ് ആക്കി മാറ്റി . ആവശ്യം ഉള്ളവൻ പ്ലാറ്റ്ഫൊർമിൽ സ്റാളിൽ പോയി വാങ്ങിക്കാവുന്നതാണ്. ഹോട്ടലിലും , കടകളിലും , വീട് പണിക്കും എന്തിനു പറയുന്നു കേരളത്തിന്റെ സ്വയം തൊഴിലുകൾ ആയ തെങ്ങു കയറ്റത്തിനും , രാഷ്ട്രീയ ജാതകൾക്ക് വരേ ബംഗാളികളെ വിനിയോഗിച്ചു തുടങ്ങി . "അഗർ ഹിന്ദി നഹി മാലൂം , തോ മാർ കായേന്ഗ്ഗെ . സംജാ ?'. ഒന്ന് വഴി അറിയാൻ എങ്കിലും കുറച്ചു ഹിന്ദി അറിഞ്ഞാൽ നിങ്ങൾക്ക് നല്ലതു .

പരസ്യം അപഹാസ്യം 

ടീവീ കാണുന്നവർ ശ്രദ്ദിച്ചു കാണും . ഇപ്പോളത്തെ എല്ലാ പരസ്യങ്ങളിലും മോടെലുകൾ (ആണും പെണ്ണും ) വെളുത്തു മെലിഞ്ഞു ഇരിക്കുന്നവർ ആണ് . കറുത്തവർ നാടിനു അപമാനം ആയതു പോലെ ആണ് ഫ്രേമിൽ എവിടെയും സായിപ്പിന്റെയും മധാമയുടെ കൊച്ചുങ്ങൾ . വഴി ഓരത്തെ ഫ്ലെക്സ് ബോർഡിൽ അള്ളി പിടിച്ചിരിക്കുന്ന പെമ്പിള്ളേർ എല്ലാം തനി യുറോപ്യൻ . നമ്മുടെ നാട്ടിലേ സുന്ദരി പെണ്ണുങ്ങളുടെ പിന്നാലേ ആണ് ഇന്ത്യയിലെ ഒക്കുമിട്ട ആണുങ്ങളും . എന്നാൽ സ്വന്തം നാട്ടിൽ ഈ പൂച്ച കണ്ണുള്ള വെള്ള കൂറകളെ ആണ് പരസ്യക്കാർക്കു പ്രിയം .  ഉള്ളിന്റെ ഉള്ളിൽ നമ്മൾ രേസിസ്റ്റ് ആവാതെ എവിടെ പോകാൻ ? ഇത് കണ്ടല്ലേ പിള്ളേരും വളരുന്നത്‌ .

ചില്ലറ-കളെ  നിങ്ങൾ എവിടെ ??

സരിതാ നായർ ചില വെളിപ്പെടുത്തലുകൾ നടത്തുമ്പോൾ 'ചില്ലറ വല്ലതും തടയും ' എന്ന പ്രതീക്ഷയിൽ ആണ് പത്രക്കാർ . ഇത് ആ ചില്ലറ അല്ല ഇത് വേറെ സീധാ സാധ വെറും ചില്ലറ . കേരളത്തിൽ ഒരു കടയിലും ചില്ലറ ഇല്ല എന്നത് ബഹുരസം തന്നേ ആണ് . എല്ലാം റൌണ്ട് ആക്കി ബാക്കി പൈസയ്ക്ക് മിട്ടായിയോ , കേക്കോ കിട്ടുന്നതാണ് . 8 രൂപയ്ക്ക് ചായ വാങ്ങിച്ചപ്പോൾ എനിക്ക് കിട്ടിയത് ഒരു ചായയും 2 കേക്കും . പിച്ചകാരന് പോലും  ഒരു രൂപാ വേണ്ടാ എന്നതാണ് സത്യം .  അവരേ പറഞ്ഞിട്ടും കാര്യം ഇല്ല 1 രൂപ കൊടുത്താൽ ബാക്കി 9 രൂപ അവരു തന്നേ കണ്ടെത്തണം . ബസിലെ കണ്ടക്ടർ പോലും ചില്ലറയ്ക്ക് വേണ്ടി അലയുന്ന ദയനീയ കാഴ്ചയാണ് ഞാൻ കണ്ടത് . ചിലും-ചിലും എന്ന് ലെതെർ ബാഗിൽ ചില്ലറ കുലുക്കി നടന്ന കണ്ടക്ടർ-മാരുടെ സുവർണ്ണ കാലം ഒക്കേ കഴിഞ്ഞു എന്ന് തന്നേ പറയാം .




Monday, March 31, 2014

Political Intelligence + Stubbornness = Handicap for Change

There is one notion amongst majority of Indians that Kerala is a land of Communists.  And listened to statements as wild as this '..because you guys are all communists, people in your state are very intelligent'. I have had worse moments in my life than explaining this person out of his prejudice. This wrong notion that 'we are somehow politically intelligent' has crept into our minds as well. For no reason we believe that Kerala is the most 'politically aware' state. And there are ample statistics to match our baritone. Like for example we are a state with High Human Development Index (HDI), High Education, Least in female feticide etc. I could go on and with the help of some amount of googling I could make a daring presentation about my state. Wow, I am blessed to be born in this state. Aren't I??

So coming back to political awareness. I still remember the day when voters of Delhi surprised whole India to back AAP with 27 seats. And that day as if awoke from a deep slumber many of us were enthused by Kejriwal's daring new brand of politics. What it also did was that many who complained about the right and left front politics in Kerala could dream of a new wave in politics. And to AAP's credit they are able to field some excellent candidates in this Lok Sabha elections. Candidates like Ajith Joy, Anitha Prathap, Silvi Sunil and Sara Joseph are eye catching and deserving to say the least. These are candidates who have achieved a professional success or are willing to walk the talk for the matters affecting our country.                                                                                                                    But off-
-late as the elections are nearing and as we close down to the April 10 mark. Its as if the left and right front have undergone a holy dip in Ganges . They are still framed as the front runner and expected to share the 20 seats almost equally. So what happened to the multitude of issues blared out all season? Newspapers and News Channels were making the living hell out of these politicians and now all of a sudden they are backing them to win again? Having said that, it is no point in blaming them politicians or media. It comes down to us voters. Doesn't it?




We might be most politically aware state but at the same time we are definitely the most 'politically stubborn' bunch of people. We intelligently find excuses to vote for the party we have been voting all along. Obama's famous election campaign line was 'Vote for Change'. And had he been contesting from Kerala , he would never win even if he tries a million times. Because we are politically
handicapped when it comes to Change. Take the example of O.Rajagopal. Here is a guy who has done a tremendous job in his short stint as a Railway Minister. And everyone acknowledges his work for our state equivocally. But as they say its hard to convert praise to votes and time and time again he ends up on the losing side. Some say its because of the general disdain towards BJP that has been costing him a much deserved seat. But I would argue it comes down to our political stubbornness. And then there is a veil of hypocritical secularism to vote for Muslim league but not for BJP. So in every way it proves my earlier statement that we find an excuse to vote for the same old parties. There are no swing votes as such in Kerala. Its either vote for the major two front's or not vote at all.

In my opinion Aam Aadmi party is like a litmus test for Kerala politics. For all these years we cried, complained and mocked the ineptitude of Right and Left front politics. And with some great candidates in AAP this should be the opinion to seize upon and send the right signals to age old political foundations in Kerala. And lest we miss this chance we must not crib and holler but swallow it like a bitter pill. Because in the end its our own votes that brought our state to this state.


Friday, March 28, 2014

Virtual Kerala LokSabha Election 2014

കേരളത്തിന്‌ അകത്തും പുറത്തും ആകേ ഒരു തിരഞ്ഞെടുപ്പ് ചൂട് അനുഭവിച്ചു തുടങ്ങി .
മാധ്യമങ്ങളും , ചാനലുകളും തൊട്ടും തൊടാതെയും പ്രവചനങ്ങൾ നെയ്തു തുടങ്ങി . മറ്റു തിരഞ്ഞെടുപ്പിൽ നിന്നും വ്യത്യസ്തമായി ഒരു പുതിയ പാർട്ടി കൂടേ ഈ കൊല്ലം മത്സരിക്കുന്നുണ്ട് . ഇടതും , വലതും , താമരയും, ലീഗും അല്ലാതെ വേറെ ഓപ്ഷൻ ഇല്ല എന്നും പറഞ്ഞു നടന്നവർക്ക് AAP ഒരു അവസരം ഒരുക്കുന്നു . എന്നാൽ AAP തരംഗം , മോഡി തരംഗം എല്ലാം പത്രങ്ങളിൽ മാത്രം ആണെന്ന് ചില മുതിർന്ന നേതാക്കൾ അവകാശപെടുന്നു . എന്ത് ആവും എന്ന് കണ്ടറിയാം .

ജാടതെണ്ടിയും നിങ്ങളെ പോലെ 'anxious' ആണ് . അത് കൊണ്ട് ഒരു 'virtual election' സംഗടിപ്പിക്കാൻ തീരുമാനിച്ചു . നിങ്ങളുടെ വോട്ടുകൾ താഴേ കാണുന്ന പോള്ളിൽ രേഖപെടുത്തുക . ഇത് ഒരു വാശി ആയി ഏറ്റെടുത്തു 'script' റണ്‍ ചെയ്തു കള്ള വോട്ട് ചെയ്യരുത് എന്ന് ഒരു അപേക്ഷാ ഉണ്ട്. അഥവാ കള്ളവോട്ടു ചെയ്താലും എനിക്ക് പുല്ലാണ് .

കേരളത്തിലെ എല്ലാ ലോകസഭ മണ്ടലങ്ങളും താഴേ കൊടുത്തിട്ടുണ്ട്‌ . നിങ്ങളുടെ വോട്ടുകൾ ഇവിടെ രേഖപെടുത്തുക .  ഇവിടെ പ്രധാന മുന്നണിയിലെ സ്ഥാനാർഥികൾ മാത്രമേ കാണിക്കുന്നുള്ളൂ എന്ന് പ്രത്യേകം .



Kasaragod




  


Kannur
  

Vadakara

  
Wayanad

  

Kozhikode

  

Malappuram

  

Ponnani

  

Palakkad

  

Alathur

  

Thrissur

  

Chalakudy

  

Ernakulam

  

Idukki

  

Kottayam

  

Alappuzha

  

Mavelikkara (SC)

  

Pathanamthitta

  

Kollam

  

Attingal

  

Thiruvananthapuram

  



Thursday, March 6, 2014

John Brittas interview on Gail Tredwell

Offlate media interviews are more hyped on the sensationalism than on the actual content. The advertisement and highlight reel of such interviews are made more interesting and responsive with apt background music and sub titles. So having such prejudice in mind I expected the interview by John Brittas with Gail Tredwell to be a dud. Add to that Mr.Brittas can be a a bit egoistic and arrogant in his demeanor that makes him a wrong candidate as a host. But glad that all my prejudices have been been proven wrong in this below interview. Mr.Brittas played the perfect interviewer with utmost intention in understanding Ms.Gail Tredwell from a common man's perspective. And he didn't try to play neither a combative 'Karan Thapar' nor a pleasing 'Vir Sanghvi'. He allowed Gail Tredwell to speak and never tried to corner her with ridiculous dramatic statements. Although the name of the interview 'Ammaykku Ethire Makal' is as  dramatic as it can get but given the truth behind the whole story I guess we can ignore that silly speck in the name. As the interview proceeded Ms.Tredwell opened up and validated her thoughts and answered the doubts Mr.Brittas had in his mind. John Brittas in the beginning and in between the interview took his share of 'anticipatory bail' by making it very clear that he is just another reporter trying to get down to the issue in his own manner. Which I think is essential given the polar nature of our public. Its in a way a painful to listen to Ms.Tredwell and see her struggle to come in terms with herself. But overall I believe she answers all the questions that we all had in our mind.






Even after all this I am damn sure, the 'brain washed' minds and the 'spiritual seekers' minds will never get affected with a book or an interview or a spectacular revelation. For them its all farce and thats the saddening truth. I hope people understand the truth first and then take a stand. But given how timid the government and other leaders have reacted so far on this issue I see it going down the drain (like any other) until one another bigger issue arises.

Wednesday, February 19, 2014

ഗായത്രിയുടെ വേദനയും , മലയാളിയുടെ സന്തോഷവും

ഏതോ ഒരു വെള്ളക്കാരി മാതാ അമൃതാനന്ദമയി വെറും തട്ടിപ്പ് ആണെന്ന് പറയേണ്ട താമസം
അവരേ തെറി പറയാൻ ചാടി ഇറങ്ങിയിരിക്കുകയാണ് മലയാളികൾ . ഒരു സിനിമ കഥയെ വെല്ലും രൂപത്തിൽ ഡ്രാമയും , 5-6 ബലാൽസംഘവും , കാശ് വെട്ടിപ്പും , തട്ടിപ്പും കൂടേ ആയതോടെ മലയാളികൾ ഹാപ്പി . ഒരു വെള്ളക്കാരിയെ ഒരു സ്വാമിജി കേറി പിടിച്ചു , സത്യം ആയാലും അല്ലേലും പുസ്തകത്തിൽ ഉണ്ടല്ലോ അത് മതി എന്നും പറഞ്ഞു നമ്മുടേ പത്രങ്ങൾ ഇതിനേ കൊണ്ടാടും തീർച്ച . ഒരു 'ഏകലവ്യൻ പാർട്ട്‌ 2 ' വരേ പ്രതീക്ഷിക്കാം .  'ഗെയ്ൽ ട്രേഡ്വെൽ' അഥവാ ഗായത്രി എന്ന് അറിയപെടുന്ന മദാമ സന്യാസി എഴുതിയ പുസ്തകം വായിക്കാതെ അമ്മയേ തെറി പറയാൻ കാത്തിരിക്കുകയാണ് നമ്മളിൽ പലരും . ശ്രീശാന്ത് കോഴ കേസിൽ പെടുംബോളും ഭൂരിഭാഗം ഇതേ മലയാളികളും അവനേ തെറി പറയാൻ മുൻ നിരയിൽ ഉണ്ടായിരുന്നു .

ഇത്രെയും വായിച്ചതും നിങ്ങളും കരുതും ഞാൻ അമ്മയുടെ പരമോന്നത ഭക്തൻ ആവും എന്ന് .  എന്നാൽ എനിക്ക് ഭക്തി പറഞ്ഞു നടക്കുന്ന മനുഷ്യദൈവങ്ങളോട് പുച്ഛം ആണ്, കാരണം പുച്ചിക്കാൻ എളുപ്പം ആണ്. ഒരു മലയാളിക്ക്  അതിനു പ്രത്യേകിച്ച് ഒരു ട്രെയിനിംഗ് വേണ്ടല്ലോ  . എന്നാൽ മനുഷ്യദൈവങ്ങൾ ഫുൾ തട്ടിപ്പ് ആണോ എന്ന് ചോദിച്ചാൽ ? എനിക്ക് അറിയില്ല എന്നേ ഞാൻ പറയു .  അർദ്ധ സത്യങ്ങളും പിന്നേ തന്റേതു അല്ലാത്ത മൂല്യങ്ങളും ചേരുമ്പോൾ ആണ് ഇത്തരത്തിൽ എടുത്തു ചാടി അഭിപ്രായം പറയാൻ നമ്മളേ ശീലിപ്പിക്കുന്നത് . മാതാ അമൃതാനന്ദമയി-യുടെ ചില ഭക്തർ ചേർന്ന് പ്രസിദ്ധീകരിച്ചു ഈ ബ്ളോഗ് കൂടെ വായിച്ചു നോക്കിയാൽ ഗായത്രിയുടെ അസുഖം വേറെ എന്തോ ആണെന്നു തോന്നി പോകും .
http://ammascandal.wordpress.com/
പിന്നേ  മനുഷ്യദൈവങ്ങൾ ഉണ്ടോ എന്ന് ചോദിച്ചാൽ ഏതു ഉറക്കത്തിൽ ആയാലും ഞാൻ പറയും ഉണ്ട് അത് ദ്രാവിഡും മറഡോണയും ആണെന്ന് . എന്റെ പ്രായത്തിനും ഇല്ലാത്ത പക്വതയക്കും എല്ലാത്തിനും ഉപരി എൻറെ പേർസണൽ ഇന്റെരെസ്റ്റ്‌ കൂടേ ആവാം ഇതിനുള്ള കാരണം. ഇങ്ങനെ എല്ലാവർക്കും അവരവരുടെ വെർഷൻ ഓഫ് മനുഷ്യദൈവം ഉണ്ട് . 'മാതാ , പിതാ , ഗുരു , ദൈവം ' ഫിലോസഫി പാലിക്കുന്നവർ ദൈവത്തെ അന്യേഷിച്ചു പുറത്തു പോകേണ്ടതും ഇല്ല . എന്നാൽ ദൈവം എന്നൊരു സംഭവം ഇല്ല എന്ന് വിശ്വസിക്കുന്നവർക്ക് പിന്നേ മനുഷ്യനിൽ മാത്രം വിശ്വസിച്ചാൽ മതി.

പക്ഷേ എല്ലാ മനുഷ്യരുടെയും ആവശ്യങ്ങൾ ഒരേതു പോലെ ആവണം എന്നില്ലല്ലോ . ഒരു പ്രായം അല്ലെങ്കിൽ ഒരു പ്രത്യേക സാഹചര്യം എത്തുമ്പോൾ മനുഷ്യന് ഒരു 'spiritual awakening' വേണ്ടി വരും . നമ്മളിൽ പലരും ബെര്ളിതരങ്ങൾ ബ്ലോഗ് വായിക്കുന്ന അതേ ഉത്സാഹത്തോടെ അവർ ഭക്തി മാർഗം സ്വീകരിക്കും ഈ മനുഷ്യദൈവങ്ങളെ religiously ഫോളോ ചെയ്യും  . ഈ മനുഷ്യ ദൈവങ്ങൾ ആണ് പിന്നേ ഇവരുടെ എല്ലാമെല്ലാം . ഗായത്രിയും ഒരു കാലത്ത് ഇങ്ങനേ ആയിരുന്നു ,  എന്റെ കുടുംബത്തിലും സുഹൃത്തുക്കളുടെ ഇടയിലും ഇങ്ങനെ ഭക്തിയിൽ മുങ്ങിയ പലരും ഉണ്ട്. അവർക്ക് ഈ ഭക്തിയിൽ എന്തോ ഒരു സുഖം ലഭിക്കുന്നുണ്ട് അത് അവർണനീയം ആണ് . 'നട്ടപ്രാന്തു' എന്ന് ഞാൻ മനസ്സിൽ പറയും എങ്കിലും അവരുടെ സന്തോഷത്തിൽ ഞാനും സന്തുഷ്ടൻ ആണ് . അങ്ങനെ ഉള്ളവരെ ഗായത്രിയുടെ ഈ 'ഇക്കിളി പുസ്തകം ' വേദനിപ്പിക്കാതെ ഇരിക്കട്ടെ എന്ന് പ്രാർഥിക്കുന്നു .




Wednesday, January 22, 2014

Accuse.Allege.Prick (A.A.P)

As my fellow malayalee Mr.Priyadarshan would testify, remaking something from Malayalam to any other language is like shooting on your  own foot. We never can capture the real essence of something expressed in Malayalam to any other language. And I think that's true for any other Indian language.  Having said that I am gonna make this futile attempt to make my voice heard amongst a larger audience. Special thanks to a few friends of mine who have encouraged me to venture into this bravado. Yesterday I had posted a blog in Malayalam and here I am 'trying' to rewrite/remake the same in English.

The new trend in social networking sites and popular media is about AAP (Aam Aadmi Party) and whether its days are numbered. Allegations, debates, fights, dharna's and much more activism to break this infant party. The unity amongst Congress, Communist and Modi supporters is a rare sight to see and it makes you believe that the unity our father of the nation once dreamt of is finally achieved by us Indians. But sadly this unity is to break AAP and its governance and not something constructive to the nation. Its like a bunch of jackals on prowl hunting down a slightly head strong donkey. Definitely a donkey because , Aam Aadmi is and has always been a donkey (quotes of a minister from my state).

These so called 'Anti AAP (that makes them AAAP)' are waiting for an opportunity to pounce upon Kejariwal and company. Some of the allegations against Arvind Kejariwal (AK) is damn stupid and bloody nonsense. Very well backed by media (who in turn are backed by corporates) anybody can raise an allegation these days and push the truth to oblivion. These political journos and so called activists are ever ready to dissect each and every word that comes out of anyone from AAP. They are least bothered about the Delhi Government's  agenda and action. All they care is to confuse the people with political jargon's and ridiculous video footage. And above all they have decided that AK is an anarchist and he is the one man dictator who has no clue on how to run a government. But we cannot completely ridicule or point finger at these "Anti-AAP'ians" can we? They are like many of us who are used to religious bigotry and immersed in caste creed politics. They are used to ministers looting us at their first chance and paying a minimal bail fee to still continue as ministers. They are still happy with ministers who rule us like kings, commanding thy peasants to run the government machinery. They are used to many such other feudal systems engraved in our system by the Britisher's. So why the F*&K will they allow some stupid young IRS officer to change the course of a sinking ship even if he promises a golden shore.


Although we cannot entirely blame the Anti-AAP brigade. Kejariwal's antics and behaviour are some times childish and over the board as well. He acts as if he is born to Lord of truth Raja Harishchandra but brought up by a rebelling revolutionary in Cheguevara. He takes the unwanted effort to answer every allegations like a Maths professor and sometimes tries to explain and make each and everyone understand his thought processes. Sadly he doesn't notice the fact that these people who allege or question him have no interest in his thoughts and ideas. For them AK is as good as a guinea pig to boost subscription/TRP. As longs as he is able to keep the people (Aam Aadmi) interested and impressed by his governance he need not bother about them doubters. The underlining fact is that AK needs to learn to leave those balls outside offstump and ignore them. If he needs a role model in this subject he could very well go to Umman Chaandy who prefers to show deaf ears to the Nay Sayers . In Kerala its no more Gandhigiri, but its Chandygiri that is being used to ridicule the communists. Maybe AK can take a leaf out that and impose a restraint on himself.

The AAP way of governance is something new that we have never seen or experienced. I agree that some of the measures are extremely populists and actions by a few AAP leaders are damn outrageous. But we must exhibit a bit more patience towards them before passing judgement over a 4 week old government. We must not forget the fact that almost everyone amongst these leaders in AAP are new to this media attention, power struggle, accusations, allegations, threats and much more. It would be too cruel from our side to expect them to conduct themselves as seasoned politicians. AK could be the new age Tughlak or Akbar or Ashoka who knows? But we must not hasten ourselves into that judgement backed by some media B.S . Ideally after a years time we could get a clearer picture about AAP's capabilities until then couldn't we all just wait? Why do we have to hurry ourselves into labeling AAP as a disaster? Wouldn't it be better for us to take a step back from their faces and see how the story unfolds itself ?

NB: Some times to clean your house a broom would not be sufficient enough. You might as well use a cane to kill those rodents. May be AAP needs to stock up on them canes for future battles.

Tuesday, January 21, 2014

ഒരു ഇന്ത്യൻ ആപ്പ് കഥ

ആപ്പിന്റെ (A.A.P) ആപ്പ് ഇളകിയോ അതോ ആപ്പീസ് പൂട്ടിയോ എന്നതാണ് ഇപ്പോളത്തെ
സംസാര വിശേഷം . ഫേസ്ബുക്ക് നിറയേ ആപ്പിനെ തെറി പറഞ്ഞു കോണ്‍ഗ്രെസ്സുകാരും , കമ്മ്യൂണിസ്റ്റുകാരും , മൊദിക്കാരും ഒത്തു ചേർന്ന് ആപ്പിനെ കുറ്റപെടുത്താൻ മത്സരിക്കുന്നത് കാണുംബോൾ ഗാന്ധിജി സ്വപ്നം കണ്ട ഒത്തൊരുമ നാം നേടി എടുത്തു എന്ന് തന്നേ തോന്നി പോകും . കേജരിവാൾ അപ്പി ഇട്ടാൽ പോലും കുറ്റം ആണെന്നാണ് ചിലരുടെ വാദം കാരണം പണ്ട് ഷീല ദിക്ഷിറ്റിനെ ഷിറ്റാൻ സമ്മതിച്ചില്ല അപ്പോൾ പിന്നേ കേജരിവാൾ എന്ത് അടിസ്ഥാനത്തിൽ ഷിറ്റും എന്നാണ് വാദം, അതിനു പിന്നിൽ കുറേ മാധ്യമ ഗുണ്ടകളും രംഗത്ത് ഉണ്ട് . ഡൽഹിയിലെ ഭരണം എങ്ങനേ പോകുന്നു , സർക്കാർ എന്തെല്ലാം പുതിയ പദ്ധതികൾ ആണ് രൂപപെടുത്തിയത് ഒന്നും ഇവർക്ക് അറിയണ്ട . എന്നിട്ട് പറയുന്നത് ആവട്ടേ കേജരിവാൾ ഒരു anarchist ആണെന്നാണ് . നാട് മുഴുവൻ കട്ടു മുടിച്ചവർക്ക് ഭാരതരത്നം വേണോ അതോ പത്മശ്രീ മതിയോ എന്നായിരുന്നു കടിപിടി . അതിനിടയിൽ ഏതോ ഒരു IRS'കാരൻ വന്നു നാട് നന്നാക്കാൻ നോക്കുക എന്ന് വച്ചാൽ അതങ്ങനെ സമ്മതിച്ചു കൊടുക്കാൻ പറ്റുമോ ? ഇതെന്താ വെള്ളരിക്കാ പട്ടണമോ ? എന്നാൽ ഇവരെല്ലാം ഒരു ഭാഗത്ത്‌ ഉണ്ടെങ്കിൽ മറുഭാഗത്ത്‌ കേജരിവാൾ ആവട്ടേ ചെഗുവേരയ്കു അച്യുതാനന്ദനിൽ ഉണ്ടായ സന്തതി പോലെ ആണ് പെരുമാറ്റം . പുള്ളികാരൻ വീറും വാശിയോടെ ഇവരേ നേരിടുന്നത് കാണുംബോൾ സങ്കടം തോന്നും . നമ്മുടെ ഉമ്മൻ ചാണ്ടി സ്റ്റൈലിൽ 'കംബിളിപുതപ്പു കംബിളിപുതപ്പു .. എനിക്ക് ഒന്നും കേൾക്കാൻ വയ്യേ' എന്നും പറഞ്ഞു ignore ചെയ്യാൻ കേജരിവാൾ പഠിക്കണം .  കുറേ കുരച്ചു കുരച്ചു നിർവീര്യം ആയ സോളാർ സമരം ഒരു ബ്ലൂപ്രിന്റ്‌ ആയി ഏറ്റെടുത്തു എത്രയും വേഗം ഭരണത്തിൽ concentrate ചെയ്യണം . കേജരിവാൾ ആൻഡ്‌ ടീം നടത്തുന്ന ഭരണ രീതി പുതിയതാണ് ചിലതെല്ലാം വളരേ കൌതുകം ഉണർത്തുന്നത് ആണ് , ഈ രീതികൾ ശരി ആണോ തെറ്റാണോ എന്ന് നമുക്ക് കാത്തിരുന്നേ കാണാൻ പറ്റു . ഡൽഹിയിലെ ഭരണം കണ്ടു കഴിഞ്ഞിട്ട് പോരെ കേജരിവാൾ തുഗ്ലക്ക് ആണോ അതോ അക്ബർ ആണോ എന്ന വിലയിരുത്തൽ . അതിനു അവർക്ക് ഒരു കൊല്ലത്തെ സാവകാശം എങ്കിലും കൊടുത്തൂടെ ?

 നോട്ട് ദി പോയിന്റ്‌ : ആപ്പിന്റെ ചിഹ്നം ചൂൽ ആണെങ്കിലും , ചില എതിരാളികളെ നേരിടാൻ ചൂൽ പോരാ ചൂരൽ തന്നേ വേണം .